Пане Владек, чого ви такі злосливі?
| Пане Владек, чого ви такі злосливі? | 
|
|
З четвертої хвилі там людей майже немає. Четверта хвиля приїхала з України, до нас приїжджають імігранти з Польщі. А по друге що це за слово цепеляда. Ми нічого зі змаганням цепами не маємо. Хочете щоб ми почали себе взаємно ображати? Хочете, щоб навколо почали говорити, що лемки то тільки сваряться між собою? А от покажіть, що ви робите? Не як особа Владка Максимовича, а як віце-голова Лемко Союзу, який зможе змобілізувати інших лемків і зробити свято. Дуже легко бути на пенсії, їздити по світі, записувати всі імпрези і грати великого лемківського діяча, висловлюватися з критикою і презирством про інших. Перше заки почнете критикювати покажіть, що самі потрафите.
Aдаме: слабос поінформувани.
Про-комуністични Лемко-Союз (Л-С) пішол до гробу з остатнім єй президентом Александром Геренчаком в квітни 2010 року.
Я николи не належал до ниякой організацї. Жеби гроши котри залишыли ся по Л-С не пропали, скоро по його смерти утвотрено Управліня і мене запрошено быти віце-головом на два роки, за рік там не буду. Л-С николи не был зареєструваном організаціом. Рік по смерти Л-С мы зареєструвани яко благодійна організаця Lemko-Association/Обєднаня Лемків в штаті Connecticut.
Вдало ся вратувати ~$50,000.
Гроши вернул нам штат New Jersey і родина Геренчак. Мы призначыли тоти гроши на друк книжок в англійскі мові про Лемків-Русинів.
Остатні рик я заняти тлумачиніом «Историї Лемковины" Іоана Поляньского – книжка буде выдана того року. Наш напрям можна собі прочытати на http://lemko.org/LA/ він не про-українскі, не про-американьскі, не москофільскі лем про-лемківски. Про нашу минулу історю і культуру. Не встыдаме ся як треба повісти же терпіли Лемки од украіньской міліцї "січовиків" за Гітлера і в часі першой війны сьвітовой. Терпіли і од Польаків. Но бо так было, того не выдумую.
Не думам же Lemko-Association/Обєднаня Лемків буде долго істніло – на вшытко приходит конец і на вас приде. Лемковины і України ту не збудуєме, ходит нам о то жебы пришлы поколіня знали одкаль походит іх кориня. Ватрами і забавами того не зробиш. Мої родиче, діды і прадіды были Русинами так як козакы, тепер іх називаме Лемками-Русинами. Я ся не засимілювал на когоси кым я не можу быти – хоц мам полский і американьский паспорт – я Лемко-Русин. По лемківскы бесідувализме мы дома на заході в Полщы до 1964 року і до 1973 року в Ню Йорку. Од пят років мам жену з Монастериск – бесідуєме дома в Маямі по лемківскы. Як чую Лемків з Польщы, такых як Мария Дупляк чи Штефан Гованьский, як бідакы калічат по українськи то ся тримам за брих/[живіт].
.... а як віце-голова Лемко Союзу.......
Я не мам нияких грихів што до вспілпраці з Л-С як і ты немаш ниякых грихів же належыш до ОЛК котре до 1973 року было частіом Орг. Оборони Лемківщины створеной в 1936 році і внет по тим замкненом урядом США за повязаня дакотрих українців дома з гітлеривцями. [ООЛ была одтворена поновні в 1958 році [а в Канаді в 1961] через тих котри втекли ту по війні од "радяньськой справедливости", головним чыном Юляна Налесника і Івана Гвозды. ]
..... Дуже легко бути на пенсії.....
Я до гАмерикы приплинул „Баторым" як мі было 15 років в 1964 році з понімецких земель Польщы з молодшом сестром, татом і мамом. Кажде мализме на собі $5, але зато были без долгу бо не пожычализме грошы на літака. На пенсю пішол єм на 56, пят років тому. Барс мі тепер добрі. Тобі тыж того жычу. Од 1996 року складам до купы http://lemko.org – сам. Был єм єдним з заложителі http://infoukes.org але не долго бо решта старшых братиків била з всхідніо-Галиского пняка – тепер мі нихто не повідат котру част мойого сайту треба усунути бо не гарді там написано про україньске минуле.
.... їздити по світі......
В 1979 был єм з жемом сім тыжни в Paris, Rome, Firenze, Venice, Viena, Budapest, Krakуw, Prague i Luxemburg City. Потім з женом в Іспанї і Мароко, Ґрецї і Істамбулі. Виділ троха сьвіта. В 1985 році бил єм вислани з роботы, три разы облетіл доокола сьвіта. Одвідил, дакотри міста три разы: Tokyo, Bangladesz, New Delhi, Bangkok, Honolulu, Singapore, Hong Kong, Macau, Taipei, Fiji Islands – тото мі отворило очы же гнеска треба знати англицки язык бо то сьвітови язык і же про лемківску кривду треба писати не по україньски а по англицкы. Не робил того нихто з «лемківських" організацї. Так зачала ся в 1996 році робота над http://lemko.org перше по англицкы, а од того часу як зачали надходити імейлі од Лемків з PL I UA бо і там дотер інтернет, добавлям матерял і по лемківскы і по українськы і по польску. Коли ОЛК і ООЛ показало ся на інтернеті? Што там мате о Лемках?
За остатнє 4 року был єм в UA штири рази, по 4 місяци каждого разу. Скоре в 1993 і 1995 по три тыжні.
...... записувати всі імпрези....
В 2007 році награл єм 15 юбілей лемківской церкви в Львові. Повторил єм тото в 2008, в 2009 і 2010. То барс легко робити. Повічте мі кто награл попереднух 14? Кто награт юбілей того року бо мене там не буде? То барс легко робити! Легко лем ся бесідує. Американці то називают «горячым повітріом". Покаж што ОЛК і ООЛ награло о Лемках до тепер? Што мате в архіві? Вы СИЛЬНЫ, ВЕЛИКЫ, організуєте фестіваль од 1986 року, ітд.
Durham 1997 http://www.youtube.com/watch?v=jsnuNUH2_Rs
Durham 2004 http://www.youtube.com/watch?v=O4G41pj6q8o
Durham 2010 http://www.youtube.com/watch?v=mSbKb5XqNuU
...... грати великого лемківського діяча.......
Того не розумю, мусиш подати приклады бо я николим ся не мал за великого лемківского діяча. Можеш мі казати на ты або Владку бо хибаль зме в тым самым віку. Мі тоти укр. "пане, пане докрорe, пане професоре" не до ґусту.
З четвертої хвилі там людей майже немає.....
посмотр ся на сцену. То была чорна Лемкиня з Польщы, тамтого року?
Пишеш же кєруєш ОЛК юж 25 років!
Встыдил бим ся таке писати. Штыри до вісем років было бы дос.
То або немате інших кандидатив або іх не допушате до кєривництва – без свіжой кырви ОЛК піде до гробу так як Лемко-Союз, гнет Фундаця Досліджиня Лемківщыни в Львові, Товариства «Лемківщина" по Україні, ООЛ в гАмериці. Без сьвіжой кырви буде капут – але то буде натуральне на америцкым контіненті чи Україні. Велика шкода же такы самы клікы не допищают молодіж до лемківских організацї в Польщы. То найбілша шкода – бо пришліст Лемків лежыт в Польщы/Євро-Союзі а не в Канаді, США чи Україні.
В Полщы 10 років тому група Лемків зробила фільм Akcja «Wisіa" і єдна особа [режисер Копча] го нам Лемкам до гнеска не выпустил а тот фільм повинен быти в кажди лемківскі хыжы. Встыд! Ганьба! Великі встыд!
З решпектом тым што тото прочытали
лемко владек з Маямі Біч, Флорида.
Local Links:
Return to Lemko Home Page
Document Information Document URL:http://lemko.org/opinions/stec.html
Page prepared by Walter Maksimovich
E-mail: walter@lemko.org
Copyright © LV Productions
Originally Composed: Sunday, May 22, 2011
Date last modified: